聖誕及新年願望

今年係我豐收嘅一年,我之前嘅禱告,天主回應咗我,賜俾我一個古古惑惑嘅魚仔,從此以後都會忙到傻。

今晚平安夜,等我祈下禱,許下願先。我希望我同老公出年仲繼續有工做,仔仔生生性性,唔望發達,最緊要三餐唔使愁,其實如果真係無得做,攞綜援可能仲衣食無憂,一年換幾副名牌眼鏡,但我面皮薄,驚過唔到自己個關。

亦希望出年唔好有咁多棄嬰呀,小朋友俾阿爸阿媽虐待呀,幾日無人照顧呀等等,佢地真係好慘架。

希望出年响金融海潚下,大家雖然唔似今年頭半年咁魚翅送飯,但都唔會憂柴憂米,珍惜自己同家人嘅關係同生命。
普天都可同慶,希望大家都享受呢個寒冷嘅聖誕,姑勿論你相唔相信有救世主,亞孟。