師奶看賤男

倪震與張茆事件鬧得熱烘烘,我只係有以下感想:

1) 原來個’茆’字係讀 ‘矛’字,如果無呢單新聞,我諗十個香港人著咗九個都唔會識讀(包括我在內),依家肯定好多人知,好過阿乜鬼林佐瀚教。
2) 劉錫明終於得到平反,好過六四,都唔知何年何月先可以討回公道。
3) 原來分手都要作聲明,如果呢個成為以後要分手嘅先決條件,相信分手率應會大大下降。如此的話,離婚都應該要聲明,我諗應該有助離婚率下降。
4) 總括嚟講,唔似倪生嘅性格,佢一向俾我感覺係好鄙視傳統世俗道德觀念,唔覺得阿倪生要做咁多動作,無乜需要交代,唔通人老咗性格都變埋?
5) 唔覺得要comment倪生做法係錯定啱,根本同所有人都無關係(除咗周小姐之外),但極度慶幸自己唔係周小姐,好彩無遇過倪生此類人物,得以心理健康,樂做小師奶。