Harry Potter熱?

就如香港近日嘅天氣一樣,哈利波特熱潮直迫三十多度高溫。今日因為上堂關係,要到佐敦,附近有間專賣中、大學嘅教科書(好似灣仔間集貴呀,又或者旺角嗰啲)。我响大約下午一點左右經過嗰度,抵死哋,門口有張食飯枱開咗,唔通熱得濟要响出面開枱食飯?

睇真啲,唔係噃,上面寫住”哈利波特已售完”。唔係嘛?呢間嘢都賣哈仔? OMG!!! 之前好似聽過英國好多非傳統嘅書店售賣哈仔,例如五金舖,車房(唔知真定假),真係唔見都唔知,我朋友仲話响書報攤買潻(之不過係嗰啲中環高級書報攤嚟嘅)。

小師奶都好喜歡哈仔嘅,之不過未去到即刻要買嘅地步。但不得不佩服出版社,實在用心理戰打得好。當然產品本身要有一定嘅吸引力,然後後加上”等待”、”期望”嘅心理,啲人就覺得好珍貴,因自己有付出。唔知哈仔最終係唔係真係咁好,但頭啖湯就肯定食硬讀者,相信响今個世紀風雲事件肯定有佢份。