後悔?

今日又係煲劇日子，睇嘅叫做｢求婚大作戰｣｡內容係男主角同女主角係青梅竹馬嘅朋友，因為時間，場地，種種原因，男主角响過去都不能向女主角告白｡响回顧過去啲相片slide嘅時候，上天賜男主角一個機會，派一個妖精（日文係咁翻譯），幫男主角回到相中嘅過去，重新再來，男主角會改變一啲嘢，令新一張相有所改變，女主角表情變得開心一啲，無悔一啲｡

其實，現實嘅我都有好多時候希望可以回到過去，將以前我覺錯嘅事更改，希望變成好事，好多人都可能有同樣想法｡男主角成日都總是不能勇敢,總是不能坦率,又不敢表達，老實講，自己有好多時都係｡

最後，男主角知道，其實與其懷念過去，其實要爭取現在仲好，雖然道理好似好顯淺，但真係好難做｡人生，難道一定要一啲遺憾先得．．．．