金庸被facebook氣死事件簿

今期fb最紅除咗阿Laughing哥紛絲club之外,小師奶有好多friend做咗個“你是金庸筆下的那一位角色”。

唔知係小師奶比較少朋友,所以統計數據唔多有代表性,定係個quiz只有一個結果。我所有FB啲friend take呢個quiz,個個都話係黃蓉,有無咁多黃蓉呀!! 男又黃蓉,女又黃蓉,有無攪錯呀!!

金庸一定被激死,老屈佢創作一個咁俗嘅角色。

其實個quiz唔係真係可以測試到你(性格之類)係屬於“金庸筆下的那一位角色”,應該用“你「想」似金庸筆下的那一位角色”。(話時話,應該係用「哪」定「那」字呢?) 結果証明好多人都想係黃蓉,我估可能佢地好想聰明絕頂啩,相信佢地斷斷唔會因為鍾意有個好似郭靖咁嘅情人而選擇黃蓉。(係的話要有好大愛心先得,因為第一,郭靖唔靚仔,二者佢又鬼咁蠢)

唔係話清高,小師奶就唔想做任何金庸角色。就算如黃蓉又點,到老時因在亂世,要擔心又頑固又忠實嘅老公,要“知其不可為而為”,腦汁少啲都死。最後都唔知郭家嘅唯一血脈阿破奴可唔可以生存响亂世,阿女郭襄又為情所困,終身都要找尋楊過,始終要抱憾,我係阿媽都心痛死啦!

諗落金庸啲角色唔係年少時悲慘,就係老年時悲慘,都係唔似好啲(人總係貪心嘛!橫店都係幻想,點解唔想個完美啲嘅人生)。

(後話:個quiz都有幾多錯/別字,質素頗低)