從前?

從前响一個冰天雪地嘅鬼地方生活咗N年,以為從此就成為冰人(唔係媒人呀!),擁有無懼冰冷之軀。點知,返香港幾年後,就怕凍怕得不得了。

從前因考會考時考得唔好,所以覺得以後都無法有上大學嘅一日。點知,兜兜轉轉,總算碩士畢業(雖然成績依然唔好,所有嘅嘢都無吸收過,當然碩士亦非代表到啲乜嘢)。

從前俾男朋友飛過,佢仲要一腳踏兩船,以為以後都唔會遇上真心對我嘅人。點知,遇上咗佢,仲會夠膽响N咁多人面前承諾照顧我一生一世嘅人(可能未知個Liability account係無底深潭)。

從前以為世界係公平公正嘅。點知,原來7百萬人之中,只係有800人有話事嘅權利,咁點解香港政府唔係淨問呢800人交稅呢?

從前…可能只可以適用於從前…