假腳?

阿四一向懶崇尚自然,胭脂水粉都唔搽,所以一向師奶樣(其實係懶,唔去學,所以都羡慕啲化裝化得好同靚既人。好彩唔係返中環,唔係就PK)。更唔會有唔屬於本來身體物件(因為怕死,怕做手術)

但阿四有一樣嘢係假既,就係隻腳。阿四只係有好多人都可能有既問題,就係 - 扁平足。如果行街多過兩個鐘,嘩!痛死囉。所以阿四唔可以好似其他女仔咁,enjoy行街買嘢。

阿四要用鞋墊做人,鞋墊有分唔駛訂做或要訂做。睇吓你隻腳同個norm 相差幾多個Sigma。訂一"隻"係要千幾蚊架陰公。呢啲又無得claim津貼,慘!!